Mirak Jezi fê
Jezi gade, li wè yon gwo foul moun ki
tap vin jwenn-li.
Li rele Filip, li di-l konsa: Ki bò
nou ta ka jwenn manje pou nou achte pou nou bay moun-sa-yo manje?
(Li tap di sa pou li te wè sa Filip
tap reponn-li; li-menm li te deja konnen sa li tapral fè.)
Filip reponn-li: Menm si nou ta gen
desan (200) goud pou nou achte pen, pa tap gen ase pou chak moun ta
jwenn tikal.
Yon lòt nan disip yo, Andre, frè
Simon Pyè-a, di-li: Gen yon ti gason la-a ki gen senk pen fèt ak
farenn lòj, ak de ti pwason. Men, sa pa anyen pou tout kantite
moun-sa-yo. Jezi di yo: Fè moun-yo chita.
Te gen anpil zèb bò la. Moun-yo chita,
te gen senkmil (5.000) gason konsa.
Jezi pran pen-yo; lè li fin di Bondye
mèsi pou-yo, li bay disip-li-yo, epi disip-yo bay tout moun ki te
chita-yo.
Li fè menm jan-an tou ak pwason-yo.
Yo tout te jwenn kantite yo te vle.
Lè tout fin manje vant plen, Jezi di
disip-li-yo: Ranmase tout ti moso ki rete yo.
Pa kite anyen gaspiye.
Yo ranmase tout moso ki te rete nan
senk pen moun-yo te manje yo.
Yo plen douz panyen pote ale.
Lè moun-yo wè mirak Jezi te fè-a, yo
di konsa: Se vre wi, nonm sa-a se pwofèt ki te gen pou vini sou latè-a.
Hope
Jezi di-yo: Pa kite
bagay sa-yo toumante-nou.
Mete
konfyans-nou nan Bondye, mete konfyans-nou nan mwen tou.
Lakay Papa-a gen anpil
kote pou moun rete.
Mwen pral pare plas pou
nou.
Si
se pat vre, mwen pa ta di-nou sa.
Lè ma fin pare plas-la
pou nou, ma tounen vin chache-nou.
Konsa, kote ma ye-a, se
la na ye tou.
Worship
Nou tout ki rete sou latè,
chante pou Bondye sitèlman nou kontan.
Fè sèvis pou Senyè-a
ak kè kontan. Vini fè fèt devan-li.
Pa janm bliye Senyè-a,
se Bondye li ye.
Se li menm ki fè-nou,
se pou-li nou ye.
Se
pèp-li nou ye, mouton ki nan savann-li.
Antre nan tanp-li, di-l mèsi.
Antre kote ki apa
pou-li-a, chante pou-li. Wi,
fè lwanj-li, di-l mèsi.
Senyè-a gen bon kè, li
pap janm sispanm renmen-nou.
De pitit an pitit, lap
toujou kenbe pawol-li.
|